الحــــزن

موضوع: الحــــزن الجمعة يوليو 02, 2010 8:51 pm

طفح كيل الحزن وانا وسط بحر الوجع غرقان

رياح الصمت تعصف بي وتصرخ كل اطرافي

وحيد وداخلي تسكن اماني مالها عنوان

صحيت اليوم لكن احس هذا الكون غافي

انا الهارب ويطردني سراب البعد والنسيان

لبست الدرب او يعني عرفت ان الزمن جافي

تخاويني كثير دروب تسافر بي كثير اوطان

محطات الالم تعرف تقاسيمي واوصافي

عرفت الموج والساحل عرفت الريح والطوفان

عرفت البحر لكنه خذلني فيه مجدافي

نبت غصن الاسي ذابل وما جنيت من الغصن رمان

سترت الجرح لكني عجزت اغطي اكتافي

قضي عمري وانا ابحث عن الانسان في الانسان

ادور عن بقايا شخص يفضح سري الخافي

ادور فرحتي ابره وسط قشة ألم واحزان

ادور في صقيع الكون بقايا حضني الدافي

ادور عن حياتي بين ضيق العمر والاكفان

ادور شخص يبقي للمحبه وللوفا وافي

ادور عمر ما يعرف بعمره سيرة الاحزان

ادور ليل اسكن به ويسكن داخل الحافي

خسرت الحلم لكني وقفت بعزة الربحان

سألت الليل من فينا قضي ليل العنا سهران

طلبني الليل في حسره دخيلك هذا كافي .

موضوع: رد: الحــــزن السبت يوليو 03, 2010 1:57 pm